ராணிப்பேட்டை: கூட்டுறவு நிறுவனங்களுக்கான சான்றிதழ் பெற விண்ணப்பிக்கலாம்
ராணிப்பேட்டை: ஒவ்வொரு ஆண்டும், அனைத்திந்திய கூட்டுறவு வார விழா நவம்பர் மாதம் 14-ந் தேதி முதல் 20-ந் தேதி வரை நடத்தப்பட்டு, அந்த ஆண்டில் மாநில மற்றும் மாவட்ட அளவில் சிறப்பாக செயல்பட்ட கூட்டுறவு நிறுவனங்களுக்கும் மற்றும் ரேஷன் கடை விற்பனையாளர்களுக்கும் கேடயம், சான்றிதழ் வழங்கப்பட்டு வருகிறது. அதன்படி இந்த ஆண்டு 71-வது கூட்டுறவு வார விழா வருகிற 14-ந் தேதி முதல் 20-ந் தேதி வரை கொண்டாடப்பட உள்ளது. இவ்விழாவில் மாநில மற்றும் மாவட்ட அளவில் சிறப்பாக செயல்பட்ட கூட்டுறவு சங்கங்கள் மற்றும் ரேஷன் கடை விற்பனையாளர்களுக்கு கேடயம், சான்றிதழ் வழங்கும் தேர்வு முதன்முறையாக இணையவழியில் நடைபெற உள்ளது. எனவே, ராணிப்பேட்டை மண்டலத்தில் உள்ள அனைத்து கூட்டுறவு நிறுவனங்களும் தங்களது விபரங்களை https://rcs.tn.gov.in-rcsweb இணையதளத்தில் பதிவு செய்யுமாறும், அதன் அடிப்படையிலேயே தகுதி வாய்ந்த சங்கங்கள் மற்றும் விற்பனையாளர்கள் தேர்வு செய்யப்படுவார்கள். இந்த தகவலை ராணிப்பேட்டை மண்டல இணைப்பதிவாளர் ஆர். சிவக்குமார் தெரிவித்தார்.
