பேரணாம்பட்டு: கஞ்சா விற்க முயன்ற வாலிபர்கள் கைது
பேரணாம்பட்டு மற்றும் சுற்றுப்புற கிராமங்களில் பேரணாம்பட்டு போலீஸ் சப்-இன்ஸ்பெக்டர் சிலம்பரசன் மற்றும் போலீசார் ரோந்து பணியில் ஈடுபட்டனர். அப்போது சாத்கர் கிராமத்தில் உள்ள அரசு உயர்நிலைப்பள்ளி அருகில் மோட்டார் சைக்கிளில் சந்தேகப்படும்படியாக சுற்றித்திரிந்த இரண்டு வாலிபர்களை பிடித்து போலீசார் விசாரணை நடத்தினர். விசாரணையில் இருவரும் 19 வயதுடைய வாலிபர்கள் என்பதும், மாணவர்களுக்கு கஞ்சா விற்க முயன்றதும் தெரியவந்தது. இதனையடுத்து போலீசார் மோட்டார் சைக்கிளுடன் கஞ்சாவை பறிமுதல் செய்து, 2 பேரையும் கைது செய்தனர்.
