கே வி குப்பம்: சலூன் கடைக்காரரிடம் பணம் பறித்த வாலிபர் கைது!

கே. வி. குப்பம் தாலுகா லத்தேரியை அடுத்த காமாட்சியம்மன் பேட்டையை சேர்ந்த செல்வம் மகன் ஆதிஷ் (வயது 21). இவர் தனியார் வங்கி எதிரில் இயங்கி வரும் ஒரு சலூன் கடையில் இருந்த தினேஷ் என்பவரிடம் ரூ. 100 கேட்டார். அவர் தர மறுத் துவிட்டார். இதனால் ஆத்திரம் அடைந்த ஆதிஷ், ஷேவிங் செய்யும் கத்தியை எடுத்து, கழுத்தில் வைத்து, கொன்றுவிடுவதாக மிரட்டி, கல்லா பெட்டியில் இருந்த ரூ. 2 ஆயிரத்தை எடுத்துக்கொண்டு சென்றுவிட்டார்.

இதுகுறித்து தினேஷ், லத்தேரி போலீஸ் நிலையத்தில் புகார் செய்தார். புகாரின்பேரில் போலீஸ் இன்ஸ்பெக்டர் முரளிதரன் வழக்குப் பதிவு செய்து ஆதிஷை கைது செய்தார். அவரிடமிருந்து ரூ. 1, 000 பறிமுதல் செய்யப்பட்டது.