கருங்கல்: பைக்கில் இருந்து விழுந்த கடைக்காரர் பலி
கருங்கல் அருகே உள்ள தெருவுக்கடை பகுதியைச் சேர்ந்தவர் ராஜேஷ் (50). இவர் பாலூர் பகுதியில் பழைய இரும்பு சாமான்கள் விற்கும் ஆக்கர் கடை நடத்தி வந்தார். இன்று (8-ம் தேதி) காலை பாலூர் பகுதியில் பைக்கில் சென்று கொண்டிருந்தார். அப்போது ராஜேஷ் எதிர்பாராத விதமாக பைக்கில் இருந்து நிலைதடுமாறி கீழே விழுந்தார். இதில் பலத்த காயம் அடைந்த அவர் சம்பவ இடத்திலேயே பரிதாபமாக உயிரிழந்தார். இதுகுறித்து தகவல் அறிந்து சம்பவ இடத்திற்குச் சென்ற கருங்கல் போலீசார் ராஜேஷ் உடலை மீட்டு பிரேத பரிசோதனைக்காக குமரி அரசு மருத்துவக் கல்லூரி ஆஸ்பத்திரிக்கு அனுப்பி வைத்தனர். போலீசார் அந்தப் பகுதியில் உள்ள சிசிடிவி கேமராக்களை ஆய்வு செய்தபோது, ராஜேஷ் நிலைதடுமாறி கீழே விழுந்து இறந்ததுதெரிய வந்தது. மேலும் போலீசார் வழக்குப் பதிவு செய்து விசாரித்து வருகின்றனர்.
