பாபநாசம்: வீட்டின் கதவை உடைத்து நகை திருட்டு
தஞ்சாவூர் மாவட்டம் பாபநாசம் அருகே கோவில் தேவராயன் பேட்டை சூஃபி நகரை சேர்ந்தவர் துல்ஹஜ் பானு வயது 25 இவர் கணவர் சேக்தாவூத் வெளிநாட்டில் வசித்து வருகிறார். சம்பவத்தன்று துல்ஹஜ் பானு வீட்டின் பூட்டை பூட்டிவிட்டு நெடுந்தெருவில் பாட்டி வீட்டிற்கு சென்று விட்டார். இந்நிலையில் மறுநாள் வீட்டிற்கு வந்து பார்த்தபோது வீட்டின் கதவு உடைக்கப்பட்டு உள்ளே புகுந்த மர்ம நபர்கள் பீரோவில் இருந்த 7 கிராம் தங்க நகையை திருடிச் சென்று விட்டனர். இது பற்றிய தகவல் அறிந்ததும் பாபநாசம் போலீஸ் துணை கண்காணிப்பாளர் முருகவேலு இன்ஸ்பெக்டர் சகாய அன்பரசு சப் இன்ஸ்பெக்டர் ஜெகஜீவன் சம்பவ இடத்திற்கு சென்று விசாரணை நடத்தினர். மேலும் தஞ்சாவூரிலிருந்து கைரேகை நிபுணர் அமலா வரவழைக்கப்பட்டு தடயங்களை சேகரித்து விசாரணை நடத்தி வருகின்றனர்.
