செருவாவிடுதி ஆரம்ப சுகாதார நிலையத்துக்கு புதிய மின் மோட்டார்
திருச்சிற்றம்பலம் அருகே உள்ள செருவாவிடுதியில் மேம்படுத்தப்பட்ட அரசு ஆரம்ப சுகாதார நிலையம் செயல்பட்டு வருகிறது. இந்த சுகாதார நிலைய வளாகத்தில் இயங்கி வந்த மின்மோட்டார் பழுதடைந்தது இதனால் ஆரம்ப சுகாதார நிலையத்தில் தண்ணீர் தட்டுப்பாடு ஏற்படும் நிலை உருவானது. எனவே புதிதாக மின் மோட்டார் அமைத்து தருமாறு மருத்துவ அலுவலர்கள், பேராவூரணி அசோக்குமார் எம். எல். ஏ. விடம் கோரிக்கை விடுத்தனர். இதைத்தொடர்ந்து அசோக்குமார் எம். எல். ஏ. தனது சொந்த செலவில் புதிதாக மின் மோட்டார் வாங்கி ஆரம்ப சுகாதார நிலையத்துக்கு நன்கொடையாக வழங்கினார். நிகழ்ச்சியில் தஞ்சை தெற்கு மாவட்ட மருத்துவர் அணி அமைப்பாளரும் பேராவூரணி வட்டார முன்னாள் மருத்துவ அலுவலருமான டாக்டர், சவுந்தரராஜன், அலுவலர் டாக்டர். அருள், டாக்டர்கள் பொன். அறிவானந்தம், ரஞ்சித், சுகாதார ஆய்வாளர் தவமணி, முன்னாள் மருத்துவ அலுவலர் ராஜு மற்றும் பலர் கலந்து கொண்டு அசோக்குமார் எம். எல். ஏ. வுக்கு நன்றி தெரிவித்தனர்.
