தென்காசி: தடகளப் போட்டிகள்; ஆக்ஸ்போர்டு பள்ளி சாம்பியன்
தென்காசி மாவட்ட அளவிலான தடகள விளையாட்டுப் போட்டிகள் நேற்று ஐ. சி. ஐ. அரசு ஆண்கள் மேல்நிலைப் பள்ளியில் நடைபெற்றது. இப்போட்டிகளில் 14 வயதிற்குட்பட்ட மாணவர்கள் பிரிவில் குத்துக்கல்வலசை ஆக்ஸ்போர்டு மெட்ரிக் மேல்நிலைப் பள்ளி மாணவர் ஷமஸ் நவீன் 100 மீ ஓட்டம் மற்றும் நீளம் தாண்டுதலில் முதலிடமும், சக்தி சர்வேஷ் குண்டு எறிதல் மற்றும் வட்டு எறிதலில் முதலிடமும், முகமது இலியாஸ் நீளம் தாண்டுதலில் இரண்டாமிடமும், பிரபாகர் 400மீ ஓட்டத்தில் இரண்டா மிடமும் பெற்றனர். 17 வயதிற்குட்பட்ட மாணவர் பிரிவில் முகமது உவைஸ் முகைதீன் 100 மீ ஓட்டத்தில் முதலிடமும், 200 மீ ஓட்டத்தில் இரண்டாமிடமும், 19 வயதிற்குட்பட்ட மாணவர்கள் பிரிவில் முகமது அக்ஸின் 100, 200மீ, 400மீ ஓட்டங்களில் முதலிடமும், தொடர் ஓட்டத்தில் இரண்டாமிடமும், மதீஸ் 400 மீ தடை தாண்டி ஓடுதல், 800 மீ ஓட்டத்தில் முதலிடமும், தொடர் ஓட்டத்தில் இரண்டாமிடமும், சுப சக்திவேல் தொடர் ஓட்டத்தில் இரண்டாமிடமும், லோகேஷ் தொடர் ஓட்டத்தில் இரண்டாமிடமும் பெற்றனர். 17 வயதிற்குட்பட்ட மாணவிகள் பிரிவில் மாணிக்க ஸ்ரீ 800 மீ, 1500மீ, 3000 மீ ஓட்டங்களில் முதலிடம் பெற்றார். ஷமஸ் நீவன், சக்தி சர்வேஸ், முகமது அக்ஸின் மற்றும் மாணவி மாணிக்க ஸ்ரீ ஆகியோர் தனிநபர் சாம்பியன் பட்டம் பெற்றனர். மாணவர்கள் பிரிவில் ஒட்டுமொத்த சாம்பியன் பட்டத்தை ஆக்ஸ்போர்டு பள்ளி பெற்றது.
