வில்லியனூர் கோட்டைமேடு சாலைகளில் ஆக்கிரமிப்புகள் அகற்றம்
புதுச்சேரி மாவட்ட ஆட்சியர் குலோத்துங்கண் உத்தரவின் பேரில் வில்லியனூர் தெற்கு வருவாய் துணை மாவட்ட ஆட்சியர் சோம சேகர் அப்பாராவ் கொட்டாரு மேற்பார்வையில் வில்லியனூர் வட்டாட்சியர் சேகர் தலைமையில் புதுச்சேரி பொதுப்பணித்துறை இளநிலை பொறியாளர் விஜயலட்சுமி மற்றும் உதவி பொறியாளர் கோபி முன்னிலையில், வில்லியனூர் கோட்டைமேடு சந்திப்பு சாலை மற்றும் விவேகானந்தா அரசு ஆண்கள் மேல்நிலைப்பள்ளி ஆகிய பகுதிகளில் சாலையோரம் வைக்கப்பட்டுள்ள விளம்பர பலகைகள், அரசுக்கு சொந்தமான இடத்தை ஆக்கிரமிப்பு செய்து கட்டப்பட்டுள்ள மதில் சுவர்கள் கடையின் மேற்கூரைகள் ஆகியவற்றை ஜே.சி.பி இயந்திரத்தை கொண்டு அப்புறப்படுத்தப்பட்டது. இதில் கிராம நிர்வாக அலுவலர்கள் குணா செந்தில் குமார் மற்றும் வருவாய் துறை ஊழியர்கள் பொதுப்பணித்துறை ஊழியர்கள் ஏராளமானோர் உடன் இருந்தனர்.
