அரசு பள்ளிகளில் முதல் பருவ தேர்வுகள் 3-ந் தேதி தொடங்குகிறது
புதுச்சேரி அரசுப்பள்ளிகளில் முழுமையாக. சி. பி. எஸ். இ. பாடத்திட்டம் அறிமுகப்படுத்தப்பட்டுள்ள நிலையில் 1 முதல் 12-ம் வகுப்பு வரை முதல் பருவ தேர்வுகள் வருகிற (அக்டோபர்) 3-ந் தேதி தொடங்கி 10-ந்தேதி வரை நடக்கிறது. இதற்கான அட்டவணை வகுப்பு மற்றும் பாடவாரியாக வெளியிடப்பட்டுள்ளது. தேர்வுகள் முடிந்ததும் புதுவை, காரைக்கால், ஏனாம் பிராந்தியங்களில் அக்டோபர் 11-ந் தேதி முதல் 20-ந்தேதி வரை விடுமுறை ஆகும். 21-ந் தேதி மீண்டும் பள்ளிகள் திறக்கப்படும். அதேநேரத்தில் மாகியில் மட்டும் 5 நாட்கள் மட்டுமே விடுமுறை விடப்பட்டு அக்டோபர் 16-ந் தேதி பள்ளிகள் திறக்கப்படும்.
