திருப்பரங்குன்றம்: சாலை விபத்தில் முதியவர் பலி
மதுரை மாவட்டம் நாகமலை புதுக்கோட்டை அருகே தேனி- மதுரை ரோட்டில் கரடிப்பட்டி பஞ்சாயத்து யூனியன் ஆபீஸ் அருகே கரடிபட்டி ஏ. டி காலனியை சேர்ந்த முத்தையா (60) என்பவர் நேற்று (அக். 8) மதியம் நடந்து சென்று கொண்டிருந்தபோது அந்த வழியாக ஒரு இருசக்கர வாகனத்தில் மூன்று பேர் வந்தனர். இவர்கள் சாலையை கடக்க முயன்ற முத்தையா மீது மோதியதில் தலை மற்றும் உடலின் பல பகுதிகளிலும் காயம் ஏற்பட்டு சம்பவ இடத்திலேயே உயிரிழந்தார். இருசக்கர வாகனத்தில் வந்த மூன்று இளைஞர்களும் படுகாயமடைந்து மருத்துவமனையில் சிகிச்சை பெற்று வருகின்றனர். இதுகுறித்து முத்தையாவின் மகன் விருமாண்டி நாகமலை புதுக்கோட்டை காவல் நிலையத்தில் புகார் அளித்தார். போலீசார் வழக்கு பதிவு செய்து விசாரணை நடத்தி வருகின்றனர்.
