மாற்றுத்திறனாளிக்கு உபகரணங்கள் வழங்கிய எம்.பி. வெங்கடேசன்

இந்திய செயற்கை அவயங்கள் உற்பத்திக் கழகம் (அலிம்கோ) நிறுவனத்தின் சார்பில் அந்த நிறுவனத்தின் புதிய அலுவலக கிளை திறப்பு விழா மற்றும் மாற்றுத் திறனாளிகளுக்கான உபகரணங்கள் வழங்கும் விழா மதுரை வில்லாபுரம் ஹவுசிங் போர்டு அருகில் உள்ள மத்திய அரசின் மாற்றுத் திறனாளிகள் மறுவாழ்வு ஒருகினைந்தை பிராந்திய மையத்தில் (சி. ஆர். சி) நடைபெற்றது.

இந்த நிகழ்ச்சிக்கு சிறப்பு விருந்தினராக மதுரை மக்களவை உறுப்பினர் சு. வெங்கடேசன் கலந்து கொண்டு அலிம்கோ நிறுவனத்தின் மதுரை கிளையின் அலுவலகத்தை திறந்து வைத்து மாற்று திறனாளிகளுக்கான உபகரணங்கள் பேட்டரி மோட்டார் சைக்கிள், வீல் சேர், செவித் திறன் கருவி, ஊன்று கோல் என ரூ. 4லட்சம் மதிப்பிலான பேட்டரி மோட்டார் பைக், இருசக்ர இருக்கை வாகனங்கள் மற்றும் உபகரணங்கள்
26 மாற்று திறனாளிகளுக்கு வழங்கி விழா சிறப்புரையாற்றினார்.

இந்த நிகழ்ச்சியில் மதுரை மாநகராட்சி துணை மேயர் தி. நாகாராஜ், அலிம்கோ நிறுவனத்தின் மேலாளர் அசோக்குமார்பால், மற்றும் அபிஷேக், சிஆர்சி இயக்குனர் ஜெயலி ப்ளோரா, மாற்று திறனாளிகள் நல்வாழ்வு மைய இயக்குநர் நடேசன் நித்தியானந்தம் மற்றும் பலர் இருந்தனர்.