மாணவர்களுடன் தரையில் அமர்ந்து உரையாடிய விஜய பிரபாகரன்

மதுரை அவனியாபுரத்தில் அரசு பள்ளி மாணவர்களுடன் தரையில் அமர்ந்து புகைப்படம் எடுத்துக் கொண்டு கலகலப்பாக விஜய பிரபாகரன் உரையாடினார்.

மதுரை அவனியாபுரம் அருகே உள்ள அயன் பாப்பாக்குடி அரசு பள்ளிக்கு இன்று (செப்.,6) விஜய பிரபாகரன் நலத்திட்ட உதவிகள் வழங்குவதற்காக வந்திருந்தார். அப்போது மாணவர்களிடம் பேசுகையில்

பாடத்தில், விளையாட்டு போட்டியில் முதலாம், இரண்டாவதாக வருபவர்களுக்கு பரிசுகள் வழங்கப்படுகிறது. அது உங்களை ஊக்குவிப்பதற்காக தானே தவிர உங்களிடம் ஏற்றத்தாழ்வுகளை உருவாக்க கூடாது. உங்களுக்கு என்ன தேவை இருந்தாலும் நான் ஒரு அண்ணனாக உங்களுக்கு வந்து நிச்சயம் உதவி செய்வேன். பின்னர் மாணவர்களுடன் தரையில் அமர்ந்து புகைப்படம் எடுத்துக் கொண்டு கலகலப்பாக உரையாடினார்.

தொடர்ந்து செய்தியாளர்களிடம் கூறியதாவது. திருப்பரங்குன்றம் சட்டமன்ற தொகுதியில் போட்டியிட வாய்ப்புள்ளதா என்ற கேள்விக்கு 2026ல் அதை பார்த்துக்கொள்வோம் என கூறினார்.