விலையில்லா மிதிவண்டிகள் வழங்கிய குளித்தலை எம்எல்ஏ
கரூர் மாவட்டம் கிருஷ்ணராயபுரம் தெற்கு, கிழக்கு ஒன்றியத்தில் அரசு மேல்நிலைப்பள்ளி 522 மாணவ, மாணவிகளுக்கு விலையில்லா மிதிவண்டிகளை குளித்தலை எம்எல்ஏ மாணிக்கம் நேற்று வழங்கினார். செங்குளம் அரசு மேல்நிலைப் பள்ளியில் 104 மிதிவண்டிகள், பஞ்சப்பட்டி அரசு மேல்நிலைப் பள்ளியில் 162 மிதிவண்டிகள், வேங்காம்பட்டி அரசு மேல்நிலைப்பள்ளியில் 68 மிதிவண்டிகள், புணவாசிப்பட்டி அரசு மேல்நிலைப்பள்ளியில் 71 மிதிவண்டிகள், இலாலாப்பேட்டை அரசு மேல்நிலைப்பள்ளியில் 117 மிதிவண்டிகள் வழங்கப்பட்டது. இதில் ஒன்றிய செயலாளர்கள் இல. கரிகாலன், கதிரவன், கிருஷ்ணராயபுரம் ஊராட்சி ஒன்றிய பெருந்தலைவர் சுமித்ராதேவிரவிராஜா, ஊராட்சி ஒன்றிய கவுன்சிலர் புணவாசிப்பட்டி வைகோ, ஊராட்சி மன்ற தலைவர்கள் கள்ளப்பள்ளி சக்திவேல், மத்தக்கிரி தங்கராஜ், மாவட்ட இளைஞர் அணி முன்னாள் துணை அமைப்பாளர் வழக்கறிஞர் மகாலிங்கம், குளித்தலை நகர பொருளாளர் தமிழரசன், மாவட்ட அயலக அணி துணை அமைப்பாளர் அருண்மொழி, கொசூர் பழனிசாமி, ஒன்றிய தகவல் தொழில்நுட்ப அணி ஒருங்கிணைப்பாளர்கள் பஞ்சப்பட்டி சிவா, சரவணபுரம் மணிகண்டன், குளித்தலை நகர இளைஞர் அணி துணை அமைப்பாளர் ஈஸ்வரமூர்த்தி, பஞ்சப்பட்டி மணிவண்ணன், திணேஷ், வரகூர் சிவமணி, தாளியம்பட்டி மணிகண்டன், இலாலாப்பேட்டை ரெங்கரெத்தினம், செல்வம் மற்றும் மாவட்ட கல்வி அலுவலர், தலைமையாசிரியர்கள், ஆசிரியர்கள் என பலர் கலந்து கொண்டனர்.
