மருதூர் பேரூராட்சி அலுவலகம் முன்பு மனித சங்கிலி போராட்டம்

கரூர் மாவட்டம் குளித்தலை சட்டமன்ற தொகுதிக்குட்பட்ட மருதூர் பேரூராட்சி அலுவலகம் முன்பு அதிமுக சார்பில் மனித சங்கிலி ஆர்ப்பாட்டம் நேற்று நடைபெற்றது. இதில் மாவட்ட அண்ணா தொழிற்சங்க பேரவை செயலாளர் மருதூர் திருநாவுக்கரசு, குளித்தலை கிழக்கு ஒன்றிய செயலாளர் கருணாகரன், மருதூர் பேரூர் கழகச் செயலாளர் தமிழ்செல்வன் ஆகியோர் தலைமையில் திமுக அரசை கண்டித்து கோஷங்களை எழுப்பி மனித சங்கிலி போராட்டம் நடத்தினர். இதில் அதிமுக கிளை செயலாளர்கள், தொண்டர்கள், பெண்கள் உள்ளிட்ட பலரும் கலந்து கொண்டனர்.