மார்த்தாண்டம்: அரசு பள்ளியில் கலைஞரின் வருமுன்காப்போம் முகாம்
மார்த்தாண்டம் அருகே நல்லூர் அரசு மேல்நிலைப் பள்ளியில் கலைஞரின் வருமுன் காப்போம் திட்ட மருத்துவ முகாம் நடைபெற்றது. நல்லூர் பேரூராட்சி தலைவர் வளர்மதி கிறிஸ்டோபர் தலைமை வகித்தார். வட்டார மருத்துவ அலுவலர் ஸ்டாலின் ஜோஸ் முன்னிலை வைத்தார். தாரகை கத்பட் எம் எல் ஏ குத்து விளக்கு ஏற்றி துவக்கி வைத்தார். இந்த முகாமில் சுமார் ஆயிரத்துக்கும் மேற்பட்டவர்கள் கலந்து கொண்டு சிகிச்சையும் ஆலோசனையும் பெற்றனர். வட்டார சுகாதார மேற்பார்வையாளர் ஐயப்பன் தலைமையில் சுகாதார ஆய்வாளர் ஜனில் செல்வராஜ் சிங் மேற்பார்வையில் சுகாதார ஆய்வாளர்கள் ஒருங்கிணைத்து முகாமை செயல்படுத்தினார்கள். மருத்துவ குழுவினர்கள் மற்றும் நல்லூர் பேரூராட்சி கவுன்சிலர்கள் உட்பட ஏராளமானவர்கள் கலந்து கொண்டனர்.
