குழித்துறை: மார்க்சிஸ்ட் கட்சியினர் சாலை மறியல் 30 பேர் கைது

களியக்காவிளையிலிருந்து கன்னியாகுமரி செல்லும் தேசிய நெடுஞ்சாலை தற்போது ஆங்காங்கு சேதம் அடைந்து காணப்படுகிறது. பல பகுதிகளில் சாலை நடுவே மிகப்பெரிய பள்ளங்களால் வாகனங்கள் விபத்து ஏற்படுகிறது. இந்த நிலையில் சாலை  சீரமைக்க ரூபாய் 15 கோடி ஒதுக்கப்பட்டுள்ளதாக கூறப்படுகிறது. ஆனால் பணிகள் தொடங்கப்படவில்லை.
          எனவே சாலையை சீரமைக்க கோரி மார்க்சிஸ்ட் கம்யூனிஸ்ட் கட்சி சார்பில் நேற்று 19ஆம் தேதி மாலையில் குழித்துறை  சந்திப்பில் சாலை மறியல் போராட்டம் நடந்தது. மார்த்தாண்டம் வட்டார செயலாளர் சர்தார் ஷா தலைமையில், மாவட்ட செயலாளர்  செல்லசாமி தொடங்கி வைத்து பேசினார்.
      பின்னர் சாலையில் அமர்ந்து மறியலில் ஈடுபட்டனர். களியக்காவிளை போலீசார் போராட்டத்தில் ஈடுபட்ட ஐந்து பெண்கள் உட்பட 30 பேரை கைது செய்தனர்.   இந்த போராட்டத்தால்  தேசிய நெடுஞ்சாலையில் போக்குவரத்து நெருக்கடி ஏற்பட்டது.