பரங்கிப்பேட்டை: சாலை விபத்தில் ஒருவர் உயிரிழப்பு
சீர்காழி எலந்தூரை சேர்ந்த முகிலன். இவர் தனது மனைவி வினோதா, நண்பர்கள் சீர்காழி பரத் கிஷோர், அனுல், ஆகியோருடன் நேற்று(அக்.23) காலை சென்னையில் இருந்து காரில் சீர்காழி நோக்கி சென்றார். சீர்காழியை சேர்ந்த டிரைவர் விஜயபாஸ்கர் காரை ஓட்டி வந்தார். பரங்கிப்பேட்டை அடுத்த பெரியகுமட்டி அருகே முன்னால் சென்ற லாரி மீது கார் மோதி விபத்துக்குள்ளானது. இந்த விபத்தில் முகிலன் உடல் நசுங்கி சம்பவ இடத்திலேயே இறந்தார். விஜயபாஸ்கர், பரத் கிஷோர், அனுல், வினோதா ஆகிய நால்வரும் படுகாயமடைந்து சிதம்பரம் அரசு மருத்துவக் கல்லூரி மருத்துவமனையில் சேர்க்கப்பட்டனர். விபத்து குறித்து பரங்கிப்பேட்டை சப் இன்ஸ்பெக்டர் செந்தில்குமார் வழக்குப் பதிந்து விசாரித்து வருகின்றார்.
