ஆனைமலையில் வீடு புகுந்து தங்க காசு, பணம் திருடியவர் கைது
கோவை மாவட்டம் ஆனைமலை பகுதியை சேர்ந்தவர் வசந்த கோகிலா(74). இவர் தீபாவளி பண்டிகையை முன்னிட்டு மகனின் வீட்டிற்கு சென்று விட்டு நேற்று வீடு திரும்பினார். அப்போது அவரின் வீட்டின் கதவுகள் உடைக்கப்பட்டு பீரோவிலிருந்த 4 கிராம் தங்க காசுகள் மற்றும் 20 ஆயிரம் பணத்தை மர்ம நபர் திருடி சென்றது தெரியவந்தது. இது குறித்து ஆனைமலை போலீசில் அளித்த புகாரின் பேரில் வழக்குப்பதிவு செய்யப்பட்டது. விசாரணையில், ஆனைமலை பகுதியை சேர்ந்த மாசாணி(46) என்பவர் திருடியது தெரிய வந்தது. போலீசார் அவரை கைது செய்தனர். அவரிடம் இருந்து 4 கிராம் தங்க காசுகள் மற்றும் ரூ. 20 ஆயிரம் பறிமுதல் செய்யப்பட்டது.
