పోరాట స్ఫూర్తికి ప్రతీక చిట్యాల ఐలమ్మ

వీరనారి చిట్యాల ఐలమ్మ అంటేనే పోరాట స్ఫూర్తికి ప్రతీక అని గుండ్లపోచంపల్లి రజక సంఘం అధ్యక్షుడు మలిగే అశోక్ రజక అన్నారు. గురువారం చాకలి ఐలమ్మ జయంతిని పురస్కరించుకుని మినీ ట్యాంక్ బండ్ పై ఉన్న ఐలమ్మ విగ్రహానికి పూలమాలలు వేసి నివాళులర్పించారు. అనంతరం అశోక్ మాట్లాడుతూ తెలంగాణ రైతాంగ పోరాటంలో ఆమె చూపిన తెగువ మనందరికి ఆదర్శమని చెప్పారు. తెలంగాణ రాష్ట్ర సాధన పోరాటంలో ఐలమ్మ నిత్య స్మరణీయురాలని తెలిపారు.