విద్యార్థులతో కలిసి బతుకమ్మ ఆడిన ఆదిలాబాద్ ఎస్పీ

ఉమ్మడి ఆదిలాబాద్ జిల్లా వ్యాప్తంగా పలు ప్రభుత్వ, ప్రవేట్ విద్యాసంస్థల్లో ముందస్తు బతుకమ్మ వేడుకలు మంగళవారం ఘనంగా నిర్వహించారు. ఇందులో భాగంగా గుడిహత్నూర్ మండలంలోని ఆదర్శ పాఠశాలలో ఏర్పాటుచేసిన బతుకమ్మ ఉత్సవాల్లో జిల్లా ఎస్పీ గౌస్ ఆలం పాల్గొన్నారు. ఈ సందర్భంగా విద్యార్థులతో కలిసి బతుకమ్మ పాటలకు డాన్సు చేశారు. ఆయన వెంట డీఎస్పీ నాగేందర్, సీఐలు, ఎస్సైలు, తదితరులున్నారు.