அரகண்டநல்லூரில் தெரு நாய்கள் தொல்லையால் பொதுமக்கள் கடும்அவதி

சமீப காலங்களில் தெருநாய்களால் குழந்தைகள் மற்றும் பெரியவர்கள் தாக்கப்படும் சம்பவங்கள் அதிகரித்து வருகின்றன.

இந்நிலையில்,
விழுப்புரம் மாவட்டம், அரகண்டநல்லூர் பேருராட்சிக்கு உட்பட்ட விழுப்புரம்- திருக்கோவிலூர் சாலை, பச்சையம்மன் கோவில் தெரு, மார்க்கெட் வீதி, தனலட்சுமி நகர் ஆகிய பகுதிகளில் தொடர்ந்து தெரு நாய்களின் எண்ணிக்கை அதிகரித்து வருவதால் பொதுமக்கள் கடுமையாக அச்சமடைந்துள்ளனர்.
மேலும், சாலையில் நடந்து செல்பவர்களையும், இருசக்கர வாகனங்களை செல்பவர்களையும் நாய்கள் அச்சுறுத்தும் விதமாக துரத்தி வருகின்றது. இதனால் அடிக்கடி சாலை விபத்தும் நேர்கின்றது.

மேலும், இரவு நேரங்களில் தெருக்களில் நடந்து செல்லவே மிகவும் சிரமப்படும் சுழல் ஏற்பட்டுள்ளது. இது குறித்து பேரூராட்சி நிர்வாகத்திடம் பலமுறை புகார்கூறியும் உரிய நடவடிக்கை எடுக்கவில்லை என இப்பகுதி மக்கள் வேதனை தெரிவிக்கின்றனர்.