வேலூர்: குடிபோதையில் எதிர்வீட்டுக்குள் புகுந்து ரகளை
வேலூர் மாவட்டம் கே. வி. குப்பம் தாலுகா, செஞ்சி பகுதியைச் சேர்ந்தவர் ஜெயபிரகாஷ் (வயது 45). விவசாயியான இவரது வீட்டிற்கு எதிரில் குடியிருப்பவர் மதன்குமார் (வயது 20). கூலித் தொழிலாளியான இவர் அவ்வப்போது மதுகுடித்து விட்டு, போதையில் ஜெயப்பிரகாஷிடம் தகராறு செய்து வந்துள்ளார். நேற்று முன்தினம் (நவ.1) இரவும் மது குடித்த மதன்குமார் போதையில், ஜெயப்பிரகாஷிடம் வாய்தகராறு செய்துள்ளார். மேலும், அவர் வீட்டிற்குள் அத்துமீறி நுழைந்து வீட்டிலுள்ள பொருட்களை அடித்து நொறுக்கி, ரகளை செய்து ஜெயபிரகாஷை ஆபாசமாகத் திட்டியுள்ளார். இதுகுறித்து பனமடங்கி போலீஸ் நிலையத்தில் அவர் புகார் அளித்தார். அதன் பேரில், போலீஸ் சப்-இன்ஸ்பெக்டர் ஜெயந்தி வழக்குப்பதிவு செய்து, மதன்குமாரைக் கைது செய்தார்.
