பல்லடத்தில் புதிய காவல் ஆய்வாளர் பொறுப்பேற்பு
பல்லடம் சட்டம் ஒழுங்கு காவல் ஆய்வாளராக பணியாற்றி வந்த லெனின் அப்பாதுரை கோவை மாவட்டம் சூலூர் காவல் ஆய்வாளராக பணியிட மாற்றம் செய்யப்பட்டார். அவருக்கு பதிலாக சூலூர் காவல் ஆய்வாளராக பணியாற்றி வந்த மாதையன் பல்லடம் சட்ட ஒழுங்கு காவல் ஆய்வாளராக நியமிக்கப்பட்டார். அவர் நேற்று பல்லடம் காவல் நிலையத்தில் சட்டம் ஒழுங்கு காவல் ஆய்வாளராக பொறுப்பேற்றுக் கொண்டார். அவருக்கு பல்லடம் காவல் துணை கண்காணிப்பாளர் சுரேஷ், குற்ற பிரிவு காவல் ஆய்வாளர் ஜெயா தேவி, போக்குவரத்து காவல் ஆய்வாளர் திருநாவுக்கரசு, மகளிர் காவல் ஆய்வாளர் கவிதா, மற்றும் காவலர்கள் வாழ்த்து தெரிவித்தனர்.
