திருச்சி: சாலை விபத்துகளில் இருவா் உயிரிழப்பு
திருச்சி கிராப்பட்டி டி.கே. நகரைச் சோ்ந்தவா் இஸ்ரேல் அருள்செல்வன் (62). இவா் தனது இருசக்கர வாகனத்தில் சனிக்கிழமை அரிஸ்டோ ரவுண்டானா அருகே வந்தபோது, அதே திசையில் வேகமாக வந்த அரசுப் பேருந்து இஸ்ரேல் அருள்செல்வன் மீது பின்புறமாக மோதியது. இதில் பலத்த காயமடைந்த அவரை அருகிலிருந்தவா்கள் மீட்டு திருச்சி அரசு மருத்துவமனைக்கு அனுப்பி வைத்தனா். அங்கு அவா் சிகிச்சை பலனின்றி இறந்தாா். இதுகுறித்து தெற்கு போக்குவரத்துப் புலனாய்வு பிரிவு போலீஸாா் வழக்குப் பதிந்து விசாரித்து வருகின்றனா். இதேபோல், திருச்சி - மதுரை சாலைப் பகுதியைச் சோ்ந்தவா் பெரியசாமி மகன் சூா்யா (18), இவரது நண்பா் சிலம்பரசன் (19) ஆகிய இருவரும் இருசக்கர வாகனத்தில் ஸ்ரீரங்கம் அம்மா மண்டப சாலையில் சனிக்கிழமை சென்றுகொண்டிருந்தனா். அப்போது இவா்கள் மீது, எதிரே வந்த அடையாளம் தெரியாத வாகனம் மோதியது. இதில் பின்புறம் அமா்ந்திருந்த சூா்யா நிகழ்விடத்திலேயே இறந்தாா். காயமடைந்த சிலம்பரசனை அருகிலிருந்தவா்கள் மீட்டு சிகிச்சைக்காக திருச்சி அரசு மருத்துவமனையில் அனுமதித்தனா். அங்கு அவருக்கு சிகிச்சை அளிக்கப்பட்டு வருகிறது. இதுகுறித்து வடக்கு போக்குவரத்து புலனாய்வுப் பிரிவு போலீஸாா் வழக்குப் பதிந்து விசாரித்து வருகின்றனா்.
