இருசக்கர வாகனங்கள் மீது மோதிய லாரி

திருச்சி தஞ்சை தேசிய நெடுஞ்சாலையில் திருவெறும்பூர் அருகே உள்ள காட்டூர் பகுதியில் நேற்று இரவு பருத்தி மூட்டைகளை ஏற்றி வந்த லாரி ஒன்று கட்டுப்பாட்டை இழந்து சாலையில் வைக்கப்பட்டிருந்த பேரி கார்டுகள் மீது மோதி, சிக்னலில் நின்று கொண்டிருந்த 8க்கும் மேற்பட்ட இருசக்கர வாகனங்கள் மீது மோதி விபத்திற்கு உள்ளானது. இந்த விபத்து தொடர்பாக நேற்று காயமடைந்தவர்கள் அரசு மற்றும் தனியார் மருத்துவமனையில் சிகிச்சைக்காக அனுமதிக்கப்பட்டுள்ளனர். அதிர்ஷ்ட வசமாக யாருக்கும் உயிர் சேதம் ஏற்படவில்லை. இந்நிலையில் தற்போது இந்த விபத்து தொடர்பாக சிசிடிவி காட்சிகள் வெளியாகி பரபரப்பை ஏற்படுத்தியுள்ளது.