மன்னார்குடியில் 14 ஜோடிகளுக்கு திருமணம் அமைச்சர் பங்கேற்பு
தமிழகத்தின் பல்வேறு பகுதிகளிலும் உள்ள கோயில்களில் பொருளாதாரத்தில் பின்தங்கிய இணையர்களுக்கு தமிழக அரசு சார்பில் இலவச திருமணம் செய்து வைக்கப்படுகிறது. இதன் ஒரு பகுதியாக மன்னார்குடியில் உள்ள ராஜகோபால சுவாமி கோவில் 1000 கால் மண்டபத்தில் 14 இளைஞர்களுக்கு திருமணம் நடைபெற்றது. இதில் நான்கு கிராம் தங்கத் தாலி 60, 000 மதிப்பீட்டில் பீரோ கட்டில் பாத்திரங்கள் என சீர்வரிசை பொருட்கள் மணமக்களுக்கு வழங்கப்பட்டது. இந்நிகழ்ச்சியில் தொழில் துறை அமைச்சர் டி. ஆர். பி. ராஜா பங்கேற்று மணமக்களை வாழ்த்தினார்.
