தஞ்சை: வடக்கு ஒன்றிய குழு செயலாளராக மா. சங்கர் தேர்வு
மார்க்சிஸ்ட் கம்யூனிஸ்ட் கட்சியின் திருவிடைமருதூர் வடக்கு ஒன்றிய 24வது மாநாடு திருவிடைமருதூரில் நடைபெற்றது. மாநாட்டிற்கு சொக்கலிங்கம், முருகேசன், அம்சவல்லி ஆகியோர் தலைமை வகித்தனர். முன்னதாக ஒன்றிய குழு சேகர் செங்கொடியை ஏற்றினார். ஒன்றிய குழு உறுப்பினர் முருகேசன் வரவேற்புரை ஆற்றினார். மாநாட்டை மாவட்ட செயற்குழு உறுப்பினர் செந்தில்குமார் துவக்கி வைத்து பேசினார். வேலை அறிக்கையும் வரவு செலவு அறிக்கையும் திருவிடைமருதூர் வடக்கு ஒன்றிய குழு செயலாளர் என்.பி. நாகேந்திரன் சமர்ப்பித்தார். மாவட்ட செயற்குழு உறுப்பினர் தமிழ்ச்செல்வி வாழ்த்துரை ஆற்றினார். நிறைவாக மாவட்ட குழு உறுப்பினர் சா. ஜீவபாரதி நிறைவுரை ஆற்றினார். மாநாட்டில் சிபிஎம் கட்சியின் திருவிடைமருதூர் வடக்கு ஒன்றிய குழுவிற்கு செயலாளராக மா. சங்கர் உள்ளிட்ட 11 உறுப்பினர்கள் கொண்ட சிபிஎம் திருவிடைமருதூர் வடக்கு ஒன்றிய குழு தேர்வு செய்யப்பட்டது. மாநாட்டு தீர்மானத்தை ஆர். சேகர், மா. சங்கர், அறிவுராணி ஆகியோர் முன்மொழிந்தனர். இறுதியாக திருவிடைமருதூர் வடக்கு ஒன்றிய செயலாளர் மா. சங்கர் நன்றி தெரிவித்தார்.
