கும்பகோணம்- சென்னை பேருந்துகள் புறப்படும் இடம் மாற்றம்..

கும்பகோணம் - சென்னை முன்பதிவு பேருந்துகள் கும்பகோணம் நகரப் பேருந்து நிலையத்திலிருந்து ஞாயிற்றுக்கிழமை புறப்படும் என தமிழ்நாடு அரசு போக்குவரத்துக் கழகத்தின் கும்பகோணம் கோட்ட நிா்வாக இயக்குநா் ரா. பொன்முடி தெரிவித்துள்ளாா்.

இது குறித்து அவா் மேலும் தெரிவித்திருப்பது: தீபாவளி பண்டிகை முடித்து கும்பகோணத்தில் இருந்து சென்னை செல்வதற்கு ஞாயிற்றுக்கிழமை 60-க்கும் அதிகமான கும்பகோணம் போக்குவரத்து கழக பேருந்துகளுக்கு முன்பதிவு செய்யப்பட்டுள்ளது.

கும்பகோணம் போக்குவரத்து கழக பேருந்துகளில் முன்பதிவு செய்து பயணம் செய்யவுள்ள பயணிகளின் வசதிக்காக ஞாயிற்றுக்கிழமை மட்டும் இரவு 7 மணி முதல் நள்ளிரவு 12 மணி வரை முன்பதிவு பேருந்துகள் கும்பகோணம் நகரப் பேருந்து நிலையத்திலிருந்து இயக்கப்படும்.

முன்பதிவு செய்யப்பட்ட பயணிகள் கும்பகோணம் போக்குவரத்து கழகப் பேருந்துகளில் ஏறி பயணம் செய்து சென்னை சென்றடையலாம். முன்பதிவு செய்திராத பயணிகளுக்கு சிறப்பு பேருந்துகள் வழக்கமாக புறப்படும் புறநகா் பேருந்து நிலையத்திலிருந்தே இயக்கப்படும்.