பட்டுக்கோட்டையில் தென்னை சார்ந்த. தொழிற்சாலை அமைக்க கோரிக்கை
பட்டுக்கோட்டையில் தென்னை சார்ந்த தொழிற்சாலை அமைக்க வேண்டும் என அனைத்திந்திய இளைஞர் பெருமன்றம் கோரிக்கை விடுத்துள்ளது. பட்டுக்கோட்டை அனைத்திந்திய இளைஞர் பெருமன்ற அலுவலகத்தில் நகர பேரவைக் கூட்டம் சனிக்கிழமை நடைபெற்றது. கூட்டத்துக்கு வாசன் தலைமை வகித்தார். அனைத்திந்திய இளைஞர் பெருமன்ற மாவட்ட செயலாளர் காரல் மார்க்ஸ் சிறப்புரையாற்றினார். இதையடுத்து புதிய நிர்வாகிகள் தேர்வு செய்யப்பட்டனர். கூட்டத்தில், பட்டுக்கோட்டை நகர பகுதியை போதை பொருள்கள் இல்லாத பகுதியாக மாற்ற நடவடிக்கை எடுக்க வேண்டும். பட்டுக்கோட்டை மற்றும் அதனை சுற்றியுள்ள பகுதியில் தென்னை சாகுபடி அதிகமாக இருப்பதால் தென்னை சார்ந்த தொழிற்சாலை அமைக்க வேண்டும் என்பன உள்ளிட்ட தீர்மானங்கள் நிறைவேற்றப்பட்டன.
