திருவோணம் அருகே மரம் முறிந்து விழுந்து விவசாயி படுகாயம்
தஞ்சாவூர் மாவட்டம் திருவோணத்தை அடுத்துள்ள மேல ஊரணிபுரம் கிராமத்தைச் சேர்ந்தவர் பழனியப்பன் (வயது 55) விவசாயி. இவர் நேற்று மாலை ஊரணிபுரம் - திருவோணம் சாலையில் மோட்டார் சைக்கிளில் சென்றுக் கொண்டிருந்தார். மேல ஊரணிபுரம் மர அறுப்பு மில் அருகே சென்று கொண்டிருந்தபோது, சாலையோரம் இருந்த ஒரு மரம் திடீரென முறிந்து அவர் மீது விழுந்தது. இதில் படுகாயம் அடைந்த பழனியப்பன் தஞ்சையில் உள்ள ஒரு தனியார் மருத்துவமனையில் சிகிச்சைக்காக சேர்க்கப்பட்டுள்ளார். இதுபற்றி தகவல் அறிந்து சம்பவ இடத்திற்கு சென்ற வருவாய்துறை மற்றும் நெடுஞ்சாலைத்துறை அலுவலர்கள் போக்குவரத்துக்கு இடையூறாக இருந்த மரங்களை அப்புறப்படுத்தினர்.
