கிருஷ்ணராயபுரத்தில் பூமி பூஜை நிகழ்ச்சி; எம்எல்ஏ பங்கேற்பு
கரூர் மாவட்டம் 2024_2025 - ஆம் ஆண்டு சட்டமன்ற உறுப்பினர் தொகுதி மேம்பாட்டு நிதியிலிருந்து ரூ. 26. 23 இலட்சம் ஒதுக்கீடு செய்து, சிமெண்ட் சாலைகள் மற்றும் நியாய விலை கட்டிடம் ஆகிய பணிகளை தொடங்கி வைத்தார். கிருஷ்ணராயபுரம் தெற்கு ஒன்றியம் சிவாயம் ஊராட்சி இரும்பூதிப்பட்டி சாலையிலிருந்து மயானம் வரை சிமெண்ட் கான்கிரீட் நடைபாதை அமைத்தல் (ரூ. 9. 99 லட்சம்) கிருஷ்ணராயபுரம் கிழக்கு ஒன்றியம் வீரியப்பாளையம் ஊராட்சி கொமேட்டேரியில் புதிய நியாய விலை கட்டிடம் கட்டுதல் (ரூ. 10 இலட்சம்) கருப்பத்தூர் ஊராட்சி வரகூர் பகுதியில் அரசு ஆரம்பப் பள்ளி முதல் மயானம் வரை புதிய சிமெண்ட் சாலை அமைத்தல் (மதிப்பீடு ரூ. 3. 88 இலட்சம்) வரகூர் - சரவணபுரம் சாலையிலிருந்து இடுகாடு வரை புதிய சிமெண்ட் சாவை அமைத்தல் (ரூ. 2. 36 இலட்சம்) பணிகளுக்கு பூமி பூஜை நிகழ்ச்சியை குளித்தலை எம்எல்ஏ மாணிக்கம் கலந்து கொண்டு தொடங்கி வைத்தார். இதில் ஒன்றிய செயலாளர்கள் இல. கரிகாலன், கதிரவன், கிருஷ்ணராயபுரம் ஊராட்சி ஒன்றிய பெருந்தலைவர் சுமித்ராதேவி, ஊராட்சி ஒன்றிய துணை பெருந்தலைவர் கவிதா கோவிந்தராஜ், ஊராட்சி ஒன்றிய கவுன்சிலர் வீரியம்பாளையம் முருகானந்தம், மாவட்ட பிரதிநிதி ஜெயவேல், ஊராட்சி மன்ற தலைவர்கள் கள்ளப்பள்ளி சக்திவேல், சிவாயம் திரூமூர்த்தி, கருப்பத்தூர் ரெங்கம்மாள் சக்திவேல், குளித்தலை நகர பொருளாளர் தமிழரசன் மற்றும் பலர் கலந்து கொண்டனர்.
