களியக்காவிளை: சுகாதார நிலையம் திறக்க எதிர்ப்பு தெரிவித்த பெண்
குமரி மாவட்டம் களியக்காவிளை பேரூராட்சிக்குட்பட்ட மீனச்சல் பகுதியில் சுமார் 75 ஆண்டுகளுக்கு முன்பு கட்டப்பட்ட ரேடியோ பார்க் கட்டிடம் உள்ளது. இந்த கட்டிட்டதை கட்ட அன்றைய காலம் அந்த பகுதியில் உள்ள வசதியான குடும்பத்தை சேர்ந்த நாராயண பிள்ளை என்பவர் அரசுக்கு இரண்டரை சென்டு நிலம் தானமாக வழங்கினார். சுமார் 20 ஆண்டுகளுக்கு முன்பு பாராளுமன்ற உறுப்பினர் நிதியில் அது படிப்பக கட்டிடமாக மாறியது. தற்போது களியக்காவிளை பேரூராட்சி நிர்வாகம் சார்பில் அதில் துணை ஆரம்ப சுகாதார நிலையம் அமைக்க அரசு அனுமதி பெற்று அதன் திறப்பு விழா ஏற்பாடுகளும் செய்தனர். இன்று (21-ம் தேதி) திறப்பு விழாவின் போது, திடீரென அதே பகுதியைச் சேர்ந்த கீதா குமாரி தங்கச்சி என்ற 65 வயது பெண் சுகாதார நிலையம் திறந்தால் பெட்ரோல் ஊற்றி தற்கொலை செய்வேன் என கூறி பெட்ரோல் பாட்டிலை கையில் எடுத்து மிரட்டல் விடுத்து இடையூறு எப்டுத்தி கட்டடத்தின் வாசலில் அமர்ந்து மிரட்டல் விட தொடங்கி உள்ளார். தானமாக வழங்கிய இரண்டரை சென்ட் நிலத்திற்கு சம்பந்தம் இல்லாமல் திடீரென உரிமை கோரி தற்கொலை மிரட்டல் விடுத்து வந்தது அனைவருக்கும் அதிர்ச்சியை ஏற்படுத்தியுள்ளது. தொடர்ந்து அவரை அப்புறப்படுத்தி களியக்காவிளை போலிசாருக்கு தகவல் அளித்தனர். போலீசார் தற்கொலை மிரட்டல் விடுத்து தகராறில் ஈடுபட்ட பெண்ணிடம் விசாரணை நடத்தி வருகின்றனர்.
