படந்தாலுமூடு: சோதனைசாவடியில் லாரியை கடத்திய 2 பேர் கைது
குமரி மாவட்டத்தில் இருந்து மார்த்தாண்டம் வழியாக கேரளாவுக்கு கனிம வளம் கடத்தப்படுவதால் பந்தாலுமூடு சோதனை சாவடியில் போலீசார் கடும் சோதனையில் ஈடுபட்டு வருகின்றனர். இந்த நிலையில் சம்பவ தினம் போலீசார் சோதனை சாவடியில் வழக்கமான பணியில் ஈடுபட்டிருந்த போது அங்கு ஜல்லி ஏற்றி வந்த டிப்பர் லாரியை சோதனை செய்தனர். அதில் டிரைவர் காண்பித்த அனைத்து ஆவணங்களும் போலியானது என தெரிய வந்தது. இதையடுத்து லாரியை பறிமுதல் செய்த போலீசார் அதனை சோதனை சாவடி அருகே நிறுத்தியிருந்தனர். இந்த சந்தர்ப்பத்தை பயன்படுத்திய டிரைவர் திடீரென பறிமுதல் செய்யப்பட்ட லாரியை எடுத்துக் கொண்டு தப்பி ஓடிவிட்டார். இது குறித்து சோதனை சாவடிகள் பணியாற்றிய கிறிஸ்டோபர் என்பவர் மார்த்தாண்டம் போலீஸ் நிலையத்தில் புகார் அளித்தார். போலீசார் விசாரண நடத்தி பைங்குளம் பகுதியை சேர்ந்த சசிகுமார் (48), லாரியின் உரிமையாளர் செங்கோடி பகுதியை சேர்ந்த சுந்தர் சிங் ஆகிய இரண்டு பேரும் போலீசார் வழக்கு பதிவு செய்து தேடி வந்த நிலையில் இன்று (22-ம் தேதி) கண்டுபிடித்து கைது செய்தனர்.
