செய்யூர் வட்டத்தில் மாவட்ட ஆட்சித் தலைவர் ஆய்வு
செங்கல்பட்டு மாவட்டம் செய்யூர் வட்டத்தில் உங்களைத் தேடி உங்கள் ஊரில் என்ற திட்டத்தின் கீழ் மேல்மருவத்தூர் ஊராட்சி, பொலம்பாக்கம் ஊராட்சி ஆகிய பகுதிகளில் அங்கன்வாடி மையம், ரேஷன் கடைகள், நர்சரி , கலைஞர் கனவு இல்லம் கட்டும் பணி, தொழுநோய் மருத்துவமனை உள்ளிட்ட பல்வேறு துறைகளில் நடைபெற்று வரும் வளர்ச்சித் திட்ட பணிகளை மாவட்ட ஆட்சித் தலைவர் அருண்ராஜ் அவர்கள் ஆய்வு மேற்கொண்டு வளர்ச்சி திட்ட பணிகள் எவ்வாறு செயல்பட்டு வருகிறது எனவும், பணிகள் அனைத்தும் விரைந்து முடிக்க வேண்டும் என்பது குறித்து அதிகாரிகளிடம் கேட்டறிந்தார். இந்த ஆய்வில் வருவாய் கோட்டாட்சியர் தியாகராஜன், வட்டாட்சியர் சரவணன், மேல்மருவத்தூர் ஊராட்சி மன்ற துணைத் தலைவர் அகத்தியன், பொளம்பாக்கம் ஊராட்சி மன்ற தலைவர் சிவகுமார் உள்ளிட்ட உள்ளாட்சி பிரதிநிதிகள் அரசுத்துறை அதிகாரிகள் பலர் கலந்து கொண்டனர்.
