பள்ளிபாளையம்: பொதுமக்கள் பீதி மர்ம நபர்கள் நடமாட்டம்
பள்ளிபாளையம் அருகே அமைந்துள்ள காவேரி பிரேம் நகர், குமார் நகர் ஆகிய பகுதிகளில் இரவு நேரங்களில் மர்ம நபர்கள் நடமாட்டம் அதிகளவு காணப்படுகிறது. இதனால் அப்பகுதி பொதுமக்கள் பீதி அடைந்து வருகின்றனர். கடந்த சில நாட்களாக இரவு நேரத்தில் அடையாளம் தெரியாத வாலிபர்கள் உலா வருவதாகவும் இதனால் காவல்துறையினர் பாதுகாப்பு பணியில் ஈடுபட வேண்டும் என அப்பகுதி மக்கள் கோரிக்கை விடுத்துள்ளனர்.
