மண்டல அளவிலான விளையாட்டு போட்டி

நாமக்கல் மாவட்டத்தில் பள்ளி மாணவ, மாணவியர்களுக்கான மண்டல அளவிலான விளையாட்டுப் போட்டிகள் துவங்கி நடைபெற்று வருகிறது. இதன் கீழ் நாமக்கல், பள்ளிபாளையம் பரமத்தி வேலூர். திருச்செங்கோடு உள்ளிட்ட 8 மண்டலங்களில் உள்ள பள்ளிகளில் இருந்து மாணவ மாணவியர்கள் பங்கேற்கும் தடகள போட்டிகள் நடைபெற்று வருகிறது.

இப்போட்டிகள் 14 வயதுக்கு உட்பட்டோர், 17 வயதுக்கு உட்பட்டோர், 19 வயதிற்கு உட்பட்டோர் என 3 வயது பிரிவின் அடிப்படையில் 100 மீட்டர், 200 மீட்டர், 400 மீட்டர், ₹800 மீட்டர், 1 500 மீட்டர், நீளம் தாண்டுதல், உயரம் தாண்டுதல், குண்டு எறிதல், தட்டு எறிதல், ஈட்டி எறிதல் உள்ளிட்ட போட்டிகள் நடைபெற்று வருகின்றன. இந்த போட்டிகளில் முதல் இரண்டு இடம் பிடிக்கும் மாணவ, மாணவியர் மாவட்ட அளவிலான போட்டிகளில் பங்கேற்க தகுதி பெறுவர்.

மலசமுத்திரம் மண்டல அளவிலான தடகளப் போட்டிகள் வெண்ணந்தூர் அரசு ஆண்கள் மேல்நிலைப் பள்ளியில் நடைபெற்றது. இதில் மாணவர் பிரிவில் 460 பேரும், மாணவியர் பிரிவில் 380 பேரும் பங்கேற்றுள்ளனர்.