கோபி அருகே மது விற்றவர் கைது
ஈரோடு மாவட்டம் கோபிசெட்டிபாளையம் அடுத்த பங்களாப்புதூர் உப்புபள்ளம் அருகே பங்களாப்புதூர் போலீசார் நேற்று ரோந்து பணியில் ஈடுபட்டிருந்தனர். அப்போது உப்புபள்ளம் சுடுகாடு பகுதியில் அதே பகுதியைச் சேர்ந்த கந்தசாமி (வயது 58) என்பவர் மதுபாட்டில்களை வைத்து விற்றுக்கொண்டிருந்தது தெரியவந்தது. இதைத்தொடர்ந்து அவரை போலீசார் கைது செய்தனர். மேலும் அவரிடம் இருந்து 7 மதுபாட்டில்கள் பறிமுதல் செய்யப்பட்டன.
