தர்மபுரி: ரயில் நிலையத்தில் மயங்கி விழுந்து மூதாட்டி பலி
தர்மபுரி மாவட்டம் நல்லம்பள்ளி வட்டம் சிவாடி ரயில் நிலையத்தில் நேற்று நவம்பர் 02 மாலை 60 வயது மதிக்கத்தக்க மூதாட்டி நடைமேடையில் நடந்து சென்ற போது மயங்கி கீழே விழுந்து உயிரிழந்தார். இது குறித்து ரயில்வே காவலர்கள் பிரேதத்தை கைப்பற்றி விசாரித்ததில் தருமபுரி ஆட்சியர் அலுவலகம் பின்புறம் உள்ள பெருமாள் கோயில் மேடு பகுதியைச் சேர்ந்த மாது என்பவரின் மனைவி ராணி என தெரியவந்தது. இது குறித்து ரயில்வே காவலர்கள் வழக்குப் பதிவு செய்து விசாரித்து வருகின்றனர்.
