தர்மபுரி: சந்தைப்பேட்டை வார சந்தையில் ஆடுகள் வரத்து சரிவு

தர்மபுரி நகராட்சிக்குட்பட்ட சந்தைப்பேட்டையில் ஒவ்வொரு வாரமும் ஞாயிற்றுக்கிழமை நாட்களில் ஆடுகள் விற்பனைக்காக பிரத்தியேகமான வார சந்தை நடைபெற்று வருவது வழக்கம் இன்று ஏப்ரல் 06 காலை கூடிய வாரச்சந்தையில் தர்மபுரி மாவட்டத்தின் பல்வேறு பகுதிகளான சோலைகொட்டாய், செட்டிகரை, நல்லம்பள்ளி, குள்ளனூர், குண்டலபட்டி, நார்த்தம்பட்டி, அதியமான்கோட்டை, தடங்கம், ஒட்டப்பட்டி, மற்றும் சேலம், கிருஷ்ணகிரி, நாமக்கல் உள்ளிட்ட அண்டை மாவட்டங்களில் இருந்தும் வியாபாரிகள் மற்றும் விவசாயிகள் 230க்கும் மேற்பட்ட ஆடுகள் விற்பனைக்கு கொண்டு வந்தனர். இன்று சிறிய ஆட்டுக்குட்டியின் விலை 2000 ரூபாய்க்கு தொடங்கி பெரிய அளவிலான ஆடுகள் 22000 ரூபாய் வரை விற்பனையானது. தர்மபுரியை சந்தை பேட்டை ஆட்டு சந்தையில் இன்று 30 லட்சத்திற்கு ஆடுகள் விற்பனையானதாக வியாபாரிகள் தெரிவித்தனர்.