தர்மபுரி: திமுக பொது உறுப்பினர்கள் கூட்டம்

தர்மபுரி கிழக்கு மாவட்ட தி.மு.க. பொறுப்பாளர் மற்றும் தர்மபுரி எம்.பி. ஆகமணி இன்று வெளியிட்டுள்ள அறிக்கையில், தர்மபுரி கிழக்கு மாவட்ட தி.மு.க. சார்பில் ஒன்றிய, பேரூராட்சி மற்றும் நகர பொது உறுப்பினர்கள் கூட்டம் நாளை (ஞாயிற்றுக்கிழமை) தொடங்கி வருகிற 19-ஆம் தேதி வரை காலை 10 மணிக்கு நடைபெற உள்ளது. அதன்படி நாளை (ஞாயிற்றுக்கிழமை) நல்லம்பள்ளி கிழக்கு ஒன்றிய கூட்டம் தேவரசம்பட்டியிலும், நாளை மறுநாள் (திங்கட்கிழமை) நல்லம்பள்ளி மத்திய ஒன்றிய கூட்டம் ஜருகுவிலும், வருகிற 8-ஆம் தேதி நல்லம்பள்ளி மேற்கு ஒன்றிய கூட்டம் இண்டூரிலும் நடக்கிறது. 

வருகிற 9-ஆம் தேதி தர்மபுரி மேற்கு ஒன்றிய கூட்டம் தர்மபுரி செந்தில் நகரிலும், 13-ஆம் தேதி பாலக்கோடு கிழக்கு ஒன்றிய கூட்டம் கடகத்தூரிலும், வருகிற 15-ஆம் தேதி ஏரியூர் ஒன்றிய கூட்டம் ஏரியூரிலும், 16-ஆம் தேதி பென்னாகரத்திலும், 17-ஆம் தேதி பாப்பாரப்பட்டியிலும் நடக்கிறது. 

இதேபோன்று வருகிற 18-ஆம் தேதி பென்னாகரம் பேரூர் கழக கூட்டம் பென்னாகரம் சமுதாய கூடத்திலும், பாப்பாரப்பட்டி பேரூர் கழக கூட்டம் பாப்பாரப்பட்டியிலும் நடக்கிறது. வருகிற 19-ஆம் தேதி தர்மபுரி நகர பொது உறுப்பினர்கள் கூட்டம் தர்மபுரியில் நடக்கிறது. இந்த கூட்டங்களில் முன்னாள் நாடாளுமன்ற, சட்டசபை உறுப்பினர்கள் மற்றும் உறுப்பினர்கள் அனைவரும் கலந்து கொள்ள வேண்டுகிறேன் என அதில் கூறப்பட்டுள்ளது.