பண்ருட்டி: நண்பருக்கு பீர் பாட்டிலால் குத்து
கடலூர் மாவட்டம் புதுப்பேட்டை அருகே உள்ள சிறுவத்தூர் கிராமத்தை சேர்ந்த கோவிந்தன் மகன் கிஷோர். இவர் அதே ஊரை சேர்ந்த தனது நண்பர் அஜித் மற்றும் சிலருடன் ஏரி பகுதியில் மது அருந்தினார். அப்போது போதை தலைக்கேறியதும் அவர்களுக்கு இடையே தகராறு ஏற்பட்டது. இதில் ஒருவரை ஒருவர் தாக்கிக் கொண்டனர். அப்போது கிஷோர் பீர் பாட்டிலால் அஜித்தை குத்தினார். இதில் காயமடைந்த அவர் சிகிச்சைக்காக பண்ருட்டி அரசு மருத்துவமனையில் அனுமதிக்கப்பட்டார். அங்கு அவருக்கு தீவிர சிகிச்சை அளிக்கப்பட்டு வருகிறது. இது குறித்த புகாரின் பேரில் புதுப்பேட்டை காவல் துறையினர் வழக்குப்பதிவு செய்து கிஷோரை தேடி வருகின்றனர்.
