அரியலூர்: ஒரே வீட்டில் 5 ஆடுகள் 1 மாடு மர்மமான முறையில் இறப்பு
அரியலூர் மாவட்டம் இளையூர் கண்டியங்கொள்ளை கிராமத்தில் கணேசன் என்பவருக்கு சொந்தமான 5 ஆடுகள் 1 மாடும் மர்மமான முறையில் இறந்துள்ளது. இதனையடுத்து கணேசன் ஜெயங்கொண்டம் காவல் நிலையத்தில் புகார் அளித்துள்ளார். இதனை அடுத்து கால்நடை மருத்துவர்கள் சம்பவ இடத்திற்கு சென்று பிரேத பரிசோதனை நடத்தினார்கள். பின்னர் அவர்கள் கூறுகையில் பிரேத பரிசோதனை ஆய்வு இரண்டு நாட்களில் ரிசல்ட் தெரியும் என்று கூறியுள்ளார்கள். இதனை அடுத்து ஜெயங்கொண்டம் காவல்துறையினர் வழக்கு பதிவு செய்து ஆடுகள் எப்படி இறந்தன என்று விசாரணை செய்து வருகின்றனர். ஒரே வீட்டில் 5 ஆடு 1 மாடு இறந்தது கிராமத்தில் பெரும் சோகத்தை ஏற்படுத்தி உள்ளது. கிராம மக்கள் பெரும் அச்சத்தில் உள்ளனர். தங்கள் வீட்டு ஆடு மாடுகளுக்கும் இது போல நடந்து விடுமோ என்று அச்சத்தில் உள்ளனர். ஆகையால் நோயினால் இறந்ததா அல்லது யாரேனும் விஷம் வைத்து கொன்று விட்டனரா என்றும் கண்டறிய வேண்டும் என்று கிராம மக்கள் கோரிக்கை வைத்துள்ளனர்.
