నెల్లూరు నగరాన్ని వీడని వర్షం

బంగాళాఖాతంలో ఏర్పడిన అల్పపీడన ప్రభావంతో నెల్లూరు జిల్లా వ్యాప్తంగా విస్తారంగా వర్షాలు పడుతున్నాయి. ఉదయం నుంచి వీడకుండా పలు విడతలుగా వర్షం పడింది. వర్షంతో గ్రామీణ రహదారులు బురద మయంగా తయారయ్యాయి. పలు లోతట్టు ప్రాంతాల్లో నేటికీ వర్షపు నీరు నిలిచి ఉంది. వీడకుండా పడుతున్న వర్షంతో ముఖ్యంగా చిరు వ్యాపారాలు, రోజువారి కూలీలు తీవ్రంగా నష్టపోయారు.