పిడుగుపాటుకు పశువుల కాపరి మృతి

ములుగు జిల్లా తాడ్వాయి మండలం మేడారం జంపన్నవాగు సమీపంలో పిడుగుపాటుకు శనివారం మహేష్ అనే వ్యక్తి మృతి చెందాడు. నార్లాపూర్ గ్రామానికి చెందిన మహేష్ గేదెల కాపరిగా పనిచేస్తున్నాడు. ఈ క్రమంలో జంపన్నవాగు సమీపంలో గేదెలను మేపుతుండగా భారీ వర్షం కురవడంతో చెట్టు దగ్గర వెళ్లి నిల్చున్నాడు. దీంతో ఒక్కసారిగా అతడిపై పిడుగు పడటంతో అక్కడికక్కడే మృతి చెందాడు.