వరద మృతుల కుటుంబాలకు పరిహారం అందజేత

పాలేరు వరదలో చిక్కుకుని ప్రాణాలు కోల్పోయిన వారి కుటుంబాలకు మంత్రి పొంగులేటి శ్రీనివాసరెడ్డి చెక్కులను అందించారు. నాయకన్ గూడెంకు చెందిన యాకూబ్, సైదాబీ భార్యాభర్తలు మృతి చెందగా, వారి కొడుకులకు రూ. 5 లక్షల చొప్పున రెండు చెక్కులను (రూ. 10 లక్షలు) అందజేశారు. కూసుమంచిలో ఇంటి స్థలం కూడా ఇస్తామని హామీ ఇచ్చారు. అండగా ఉంటామన్నారు. ఈ కార్యక్రమంలో కలెక్టర్ ముజామ్మిల్ ఖాన్, కాంగ్రెస్ నాయకులు పాల్గొన్నారు.