నగరంలో ట్రాఫిక్ ఆంక్షలు

సికింద్రాబాద్ బోనాల సందర్భంగా పలు రూట్లలో 17వ తేదీ ఉదయం నాలుగు గంటలనుండి 18వ తేదీ జాతర పూర్తి అయ్యేవరకు  ట్రాఫిక్ ఆంక్షలను అమలు చేయనున్నారు.
సికింద్రాబాద్‌లోని శ్రీ ఉజ్జయిని మహంకాళి ఆలయానికి 2 కిలోమీటర్ల పరిధిలో ట్రాఫిక్ రద్దీ ఉంటుంది.  సికింద్రాబాద్ రైల్వే స్టేషన్ నుండి రైళ్లలో ప్రయాణించాలనుకునే వారు సకాలంలో రైల్వే స్టేషన్‌కు చేరుకోవడానికి ముందుగానే బయలుదేరాలి. ప్లాట్‌ఫారమ్ నంబర్ 1 వైపు నుండి కాకుండా చిలకలగూడ వైపు నుండి సికింద్రాబాద్ రైల్వే స్టేషన్ ప్లాట్‌ఫారమ్ 10కి చేరుకోవాలి. జారతకు వచ్చే వారు కాకుండా మిగిలినవారు ప్రత్యామ్నాయ రూట్లలో గమ్యస్థానం చేరుకోవాలని అధికారులు స్పష్టం చేశారు. సికింద్రాబాద్ బోనాల సందర్భంగా కర్బలా మైదాన్, రాణి గంజ్, ఓల్డ్ పిఎస్ రాంగోపాల్‌పేట్, ప్యారడైజ్, సిటిఓ , ప్లాజా, ఎస్బీఐ ఎక్స్ రోడ్, వైఎంసిఏ ఎక్స్ రోడ్, సెయింట్ జాన్స్ రోటరీ, సంగీత్ ఎక్స్ రోడ్, పాట్నీ ఎక్స్ రోడ్, పార్క్ లేన్ రోడ్లను  పూర్తిగా మూసివేయనున్నట్లు హైదరాబాద్ర ట్రాఫిక్ అధికారులు తెలిపారు.