ఇబ్రహీంపట్నం: లోయపల్లిలో కుక్కల బెడద
వీధి కుక్కల బెడద నుంచి తమను రక్షించాలని లోయపల్లి ప్రాంత ప్రజలు కోరుతున్నారు. కుక్కలు గుంపులు గుంపులుగా సంచరిస్తున్నాయని, ఇంటి నుంచి బయటకు రావాలంటే భయంగా ఉందని ఆందోళన వ్యక్తం చేస్తున్నారు. ఇప్పటికే గ్రామంలో ఇద్దరిపై కుక్కలు దాడి చేసి, గాయపరిచాయన్నారు. ప్రధానంగా ఒకటో వార్డులో శునకాలు అధికంగా ఉన్నాయని, అకారణంగా మీదకు ఎగబడుతున్నాయని వాపోయారు. ఇప్పటికైనా కుక్కలను గ్రామం నుంచి తరలించాలని ప్రజలు కోరుతున్నారు.
