శాంతినగర్ కాలనీలో వైభవంగా సద్దుల బతుకమ్మ వేడుకలు

పెద్ద అంబర్‏పేట్ 4వ వార్డు శాంతినగర్ కాలనీలో సద్దుల బతుకమ్మ వేడుకలను గురువారం ఘనంగా జరుపుకున్నారు. మహిళలు తంగేడు, గునుగు పువ్వు, బంతి పూలతో పాటు వివిధ రకాల పూలతో బతుకమ్మలను పేర్చి గౌరమ్మను తయారుచేశారు. అనంతరం కాలనీలోని ప్రధాన కూడలిలో బతుకమ్మ ఆడారు. స్థానిక కౌన్సిలర్ విద్యావిజేందర్ రెడ్డి ముఖ్య అతిథిగా హాజరై మహిళలు, యువతులతో కలిసి బతుకమ్మ ఆడి జోష్ నింపారు. అనంతరం బతుకమ్మలను స్థానిక చెరువులో నిమజ్జనం చేశారు.