பெண்கள் பாதுகாப்பு குறித்த சூரிய ஒளி வரைபடம் விழிப்புணர்வு

பெண்களுக்கு எதிரான பாலியல் வன்கொடுமைகள் அதிகரித்து வரும் நிலையில் பெண்கள் பாதுகாப்பு குறித்த ஓவியத்தை சிவகாசியை சேர்ந்த இளைஞர் சூரிய ஒளியினால் வரைந்து விழிப்புணர்வு ஏற்படுத்தி வருகிறார்.

விருதுநகர் மாவட்டம் திருத்தங்கல் பகுதியைச் சேர்ந்த கார்த்திக். இவர் சிவகாசி அரசு கலை அறிவியல் கல்லூரியில் இளங்கலை கணினி அறிவியல் துறையில் 3-ம் ஆண்டு படித்து வருகிறார். இளம் வயதிலேயே ஓவியம் வரைவதில் மிகுந்த ஆர்வம் காட்டி வந்துள்ளார்.  

இவர் தற்போது சூரிய ஒளி மற்றும் கண்ணாடி லென்ஸ் மூலமாக ரப்பர் பலகையில் நடப்பு முக்கிய சம்பவங்களை ஓவியங்களை சூரிய ஒளி மூலமாக வரைந்து வருகிறார். இந்நிலையில் இளைஞர் கார்த்திக் நாடு முழுவதும் பெண்களுக்கு எதிரான பாலியல் வன்கொடுமைகள் நாளுக்கு நாள் அதிகரித்து வரும் நிலையில் பெண்கள் பாதுகாப்பு குறித்த விழிப்புணர்வு ஓவியத்தினை சூரிய ஒளியின் மூலமாக வரைந்து விழிப்புணர்வு ஏற்படுத்தி வருகிறார்.