சாத்துார்: தகர செட்டில் பட்டாசுகள் தயார் செய்தவர் கைது...

சாத்தூர் அருகே தகர செட் அமைத்து பட்டாசுகள் தயார் செய்தவர் கைது. பட்டாக்கள் பறிமுதல்.
விருதுநகர் மாவட்டம்,
சாத்துார் அருகே உள்ள ஏழாயிரம்பண்ணை காவல் சரகத்திற்குட்பட்ட பகுதியான வீரசெல்லையாபுரத்தில் உள்ள கோவில் பின்புறம் தகர செட் அமைத்து சட்டவிரோதமாக பட்டாசுகள் தயார் செய்து இருப்பு இருப்பதாக ஏழாயிரம்பண்ணை காவல் நிலையத்திற்கு தகவல் வந்தன. தகவலின் பேரில் சம்பவ இடத்திற்கு காவல் நிலைய சார்பு ஆய்வாளர் ராமமூர்த்தி தலைமையில் போலீஸார் சம்பவ இடத்திற்கு நேரில் சென்று ஆய்வு செய்தனர். ஆய்வில் சட்டவிரோதமாக பட்டாசு மற்றும் திரிகள் இருப்பு இருந்ததை பறிமுதல் செய்தனர். மேலும் இச்சம்பவத்தில் ஈடுபட்ட அதே பகுதியை சேர்ந்த ஆனந்த் என்பவர் மீது வழக்கு பதிவு செய்து கைது செய்து விசாரணை நடத்தி வருகின்றனர்.